راحت تعالج من مرضهـا ولاجـت
معقول ماترجـع وهـي أوعدتنـي
ماني مصدق لـو يقولـون ماتـت
شلون وهي البارحـة كلمتنـي ؟؟
قالت أكيد أنـك لصوتـي تشوقـت
قلـت آه كلـك يالغـلا شايقتنـي
اشتقت لك ولنضرتك حيل أنا اشتقت
ولهمستـك ولبسمـةٍ ساحرتـنـي
ولمعانقك يابعـد عمـري تولهـت
وكلمة هلا حبي وربـي وحشتنـي
قالت أحبك قلـت أنـا فيـك مـت
واللـي يحفظـك بالغـلا مالكتنـي
قالت وتنسى صورتي قلت لا كنـت
ينسانـي الله كانـهـا فارقتـنـي
وهلت دمـوع الغاليـة ثـم قالـت
قالـت أحـس أن المنيـة لفتنـي
قاطعتها استغفـري الله يـا بنـت
وعجزت أكمـل عبرتـي أخنقتنـي
قالت أبي منك الوعد لو أنـا غبـت
تحفظ مشاعر حب فيـك جمعتنـي
قلت احفظه واحفظك دام أنا دمـت
بس إرجعي فرقاك موت أرهقتنـي
قالت كذا يا نور عيني أنا ارتحـت
والوعـد باكـر بعدهـا ودعتنـي
شقران قلـي صـدق انهـا توفـت
وشلون وهي البارحة كلمتنـي؟؟!!
السبت نوفمبر 22, 2008 9:27 pm
