ماقلتلي ياالغلا

ماقلتلي يالغلا وش حالها عيونك

ترقب طيوفي او ان النوم غالبها

ومقلتلي انتا تحب ومنهو مظنونك

واللي تحبه احاسيسك يحسبها

هذا سؤالك عسا الله يكون في عونك

ريح حياتك وجنبها مصايبها

مادمت سالي وتجهل من يحبونك

تلجم شعورك وهذه من غرايبها

لابان فيك الغلا ولا هيض شجونك

ولاشفت عيني وكيف النوم حاربها

ترقب طيوفك وانتا عايش بكونك

وانا على حسرتي وانتا سبايبها

واسطر القلب واترضاك واصونك

واعقد عزومي على باكر واراقبها

واقول يمكن تغيث وتمطر مزونك

والارض تزهر وتتحقق مطالبها

شمس الاماني اخاف تغيب من دونك

تنسى المجره ومشرقها ومغربها

والنور يصبح ظلام وتتعب عيونك

وانا عيوني على شوفك بحاسبها


وســـــــــــــــــــوالم