عاااد عيدج يابلادي

أهني شعبي شعب دولة الاماااااارات بمناسبة عيد الاتحاد 2/12 /2008 37عااااام
وهذي قصيدة أهني فيها بلادي وشعبي الغاااالي
سميت باللي خالق الخلق رحمن

رب البرايا عالم الغيب سلطان

وعلى النبي محمد وقت الصلا حان

سيد البشر والجن من نسل عدنان

ييتكم اهني بالعيد يا اخوان

عيد الوطن ياناس شيخ الاوطان

دار الكرم والجود دار بوسلطان

خليفه اللي ساسها ووطد اركان

من بعد زايد رحمة الله اطنان

على الفلاحي بوخليفه وسلطان

ياها الشريف وصان العهد صان

وعلا مراتبها على كل الاوطان

يتبع وصاة القايد الفنان

وصيتن كانت للعهد نيشان

عهد الوفا باقي عا طول الازمان

ويمشي على شوره حكام واخوان

محمد بن راشد واخوه سلطان

وابن المعلا وصقر وحميد عيمان

وراع الفجيره حمد على الخير اعوان

واشبال الفلاحي بعد محمد وسلطان

من طاع شوره والله ماهان

يمشي على هدي النبي للنور برهان

من صار بيده الحكم والدار مزدان

واحلى المدن فيها تزهى بعمران

شف بوظبي خضره وبالحسن تزدان

وبالعماير تزخر وبعالي البنيان

ودبي صارت للكون نيشان

رمز السياحه واحلى البلدان

والشارقه حلوه ابلاد سلطان

اصل الثقافه وللعلم عنوان

خليفه يالربع شيخ العربان

وتشهد على افعاله ملوك وتيجان

خيره مغطي على كل بلدان

واثار فعله مافيه نكران

امن اليمن والقدس وجنوب لبنان

وارض الفرا ت والهند وابلاد افغان

رايته بيضا ومافيه نقصان

الاجودي مثله بالعرب ماكان

هذا فلاحي بعد ما هوب لعبان

عمر الاسود ياناس ما تييب ضبان

ربي يحفظه عا دوم الازمان

ويحفظ اخوانن له للخير اعوان